شروط الالتحاق بصفوف القوات المساعدة جميع الأصناف

الشروط المطلوبة لإلتحاق بصفوف القوات المساعدة جميع الأصناف؟

ملاحظة: هاد الموضوع غير للتعريف بشروط المباراة، موجه للشباب اللي باغين يدخلو للقوات المساعدة، والإعلان غادي يجي قريب إن شاء الله.

القوات المساعدة، هي جهاز أمني مغربي، كيكون تحت تصرف وزير الداخلية، ويسري على جميع أفراده النظام العسكري. كيعاون فحفظ الأمن فجميع أنحاء المملكة، وكيوفر المساعدة للناس فحالات الكوارث أو الأزمات.

القوات المساعدة كتنقسم لمفتشيتين، كل وحدة منهم كاينة تحت قيادة مفتش عام، وكيتولى المهام ديالو فالتراب اللي كيعاين عليه.

مهام أفراد القوات المساعدة

كيساعدو فحفظ النظام والأمن العام، كيحرسو الحدود، كيخدمو على حراسة الإدارات العمومية، وخصوصاً اللي كاينين فالعمالات والملحقات الإدارية، وكحاربوالهجرة السرية وتهريب المخدرات.

القوات المساعدة كتتكون: من وحدات متنقلة، وحدات الحرس الإقليمي، المخزن الإداري، والوحدات الخاصة.

شروط ولوج القوات المساعدة 

1. القوات المساعدة رتبة "مخزني"

• تكون مغربي الجنسية
•  عازب
• عمرك ما يقلش على 18 وما يزيدش على 24 سنة
• طولك على الأقل 1.70 متر للذكور، و1.65 متر للإناث
• تكون حاصل على  مستوى السلك الثانوي التأهيلي أو دبلوم التأهيل المهني
•  سليم البدن والصحة
• متكونش عندك سوابق عدلية
• البصر ديالك كون جيد، على الأقل 16/20 من غير نظارات او عدسات لتقويم النظر
•  سمعك سليم

2. ضباط القوات المساعدة

خاصك تكون عمرك ما يقلش على 18 وما يزيدش على 22 سنة ف31 دجنبر ديال السنة الجارية، حاصل على الباك، طولك ما يقلش على 1.70 متر دون انتعال أحدية ، وتكون ناجح فلجنة الانتقاء.

3. ضباط صف القوات المساعدة

عمرك ما يقلش على 18 وما يزيدش على 23 سنة ف31 دجنبر، حاصل على الباك هاد السنة أو اللي فاتت، طولك على الأقل 1.70 متر، وتكون مقبول من لجنة الانتقاء.

4. التلاميذ المخازنية (رجال الصف)

عمرك ما يقلش على 20 وما يزيدش على 24 سنة، حاصل على السنة 3 إعدادي على الأقل أو الباك على الأكثر، الطول 1.70 متر للذكور و1.65 متر للإناث، وتكون سليم البدن والصحة، وقادر على تحمل الجهد البدني.

نصائح مهمة لباغي يدخل القوات المساعدة

قبل المباراة:

• تجنب المشاكل والحبس (باش ما يكونش عندك سوابق)
•  تجنب المشاجرات 
•  تجنب  التجمعات المشبوهة
• حافظ على سنانك (بعض المرشحين كيطلعو بسبب النقص فالأضراس)
• راجع لكارط ديالك، وإلى فيها أي خطأ صححو قبل المباراة
• ما كيبانش وصل بطاقة التعريف، خاصك تكون أصلية
• راجع عقد الازدياد ديالك إلى فيها أي خطأ صححو قبل المباراة
• حافظ على صحتك، وتجنب تعاطي المخدرات

بعد المباراة:

1. مارس الرياضة بانتظام، خصوصاً الجري باش تزيد قدرة التحمل ديالك
2. كل صحي، باش تبقى فصحة جيدة
3. راقب ضغط الدم ديالك
4. إلى كتدخن، زيد شرب الحليب بعد الاستيقاظ، كيساعد على تصفية الرئة من النيكوتين
5. الامتناع عن استعمال المخدرات كيفما كانت

الأجور اللي كيتقاضاوها أفراد القوات المساعدة:

– أجودان شاف: 7300 درهم

– أجودان: 7000 درهم

– سيرجون شاف: 5600 درهم

– سيرجون: 5300 درهم

– كبران شاف: 4600 درهم

– كبران: 4300 درهم

– المخزني: 4000 درهم

الوثائق اللي خاصك تديهوم معاك :

يرجى من المرشحين الذين تم استدعاؤهم لاجتياز مباراة ولوج سلك رجال الصف بالقوات المساعدة رتبة مخزني، الالتحاق بمركز تدريب أفراد القوات المساعدة في التاريخ والساعة المحددتين في الاستدعاء، مصحوبين بالوثائق التالية:

• الاستدعاء
• البطاقة الوطنية (أصل + نسخة)
• شهادة مدرسية (أصل + نسخة)
• دبلوم التكوين المهني (أصل + نسخة)
• رخصة السياقة (أصل + نسخة)
• شهادة رياضية (أصل + نسخة)
• صورة شخصية بحجم جواز السفر
• اللوازم الرياضية

ملاحظة: إلى ما قدرتش تحمل الاستدعاء، غادي يجيوك برسالة نصية فيها التاريخ والمكان ورقم الاستدعاء ديالك.